20170204 - ✿西米焗布甸✿

2月4日星期六

今日係要返工的星期六，原本去將軍澳探朋友，但最後都取消了，今日熊人為了氹返樹熊，所以兩點前去了等位，去了食翡翠拉麵小籠包，不過冇影相，食了手抓餅，鱔糊麵，小籠包，擔擔麵，都幾好食，但好貴吓，好彩熊人兩點前到，因為過了兩點就好多人，我哋行一陣商場，宜家都唔會去太耐街，寧願陪多啲BB，希望BB快啲識坐，可以同BB豬出街食飯，帶佢出街，唔駛成日掉低佢。

 

晚上多數係去哥哥阿嫂家吃晚飯，雖然成日都係食類似的餸，但有人煮可以食自家飯都好，我哋多數會煮一味豆腐，或者炒蜆咁，有啲貢獻。

 

而阿嫂近來會整吓甜品，之前整紫米露，今日就整新嘢西米焗布甸，以前我係好憎食酒樓的西米焗布甸，因為一PATAT仲要有怪味，不過佢呢個我又喜歡食，因為奶皇味幾好，又熱辣辣，我本身喜歡奶皇，所以好鍾意食。多謝哂佢哋的款待。