█▇▆▅▄▃▂Pho 24▂▃▄▅▆▇█

九月十日星期五，

本來約了ChanC9 同vyvy去iSquare 食dinner，順便見見蕉蕉，但ChanC9因為肚屙嚟唔到，於是只有我同vyvy去食，原本打算去和花亭度食，不過之後去到就是但揀一間，見到一上電梯就有間食越南嘢叫Pho24 ，打算try try 啦，當時好似七點左右，唔多人，間嘢都未滿，同佢講三個人啦，個侍應就問蕉仔佔唔佔位，蕉仔都歲幾人仔啦，唔佔位點食呀？vyvy全程抱住食咩？都冇腦嘅。答佢要佔位啦，佢竟然話冇位，又話有人訂了云云，但之後即時見到有個女人冇reserve 都可以即時有位坐，

嘈佢啦，佢就話要執另一張枱，唔明點解唔可以一邊梳化嘅位，佢up 哂啦，廢人講廢話。

蕉蕉的晚餐，白汁意粉，但佢要食大人嘢，唔多肯食自己個set。

叫了個二人set。
扎肉金邊粉，不過不失。

雞翼，豬扒都幾香口。

餐飲點了越式滴滴咖啡(蒸餾)，但用鍊奶......不太欣賞練奶，但錯不在咖啡。

大蝦...幾好食，不過食到一半就差啲俾人收咗，冇得食。

菜唔可能唔食吧。

柚子沙律，都幾開胃，幾鍾意。

甜品vyvy選了焦糖燉蛋，好似好甜，但蕉仔好喜歡食，係咁cher 住食。

我的係唔知咩芋蓉，好好食。

埋單竟然要$38X，唔係咩特別好食，唔值，再加上服務差，日後都唔會再去食。