✿｡◕‿◕｡✿2011吃喝玩樂澳門地獄之旅- 十六浦索菲特酒店

由於今次去澳門撞正5.1黃金周，所以酒店船票都好full，好多好啲酒店都好貴，價錢不太理想，所以四個人住一間房就算，慳番啲錢。
住間好啲酒店叫Sofitel，十六蒲，五星而且幾新，靚係好靚。但位處的地方是舊區，唔似新濠天地一帶咁多酒店聚集。
最大問題是來往酒店同碼頭的shuttle bus好疏，12-15mins一班，仲要係細車，第二啲酒店3,4架車開走都仲死等，在隊尾的以為不用等嗎？冷不防人太多，車滿了，要等下班，5星酒店但shuttle bus 服務實在有待改善。

不過呢，除了shuttle bus service差啲之外，其他都好ok，以下是bar，好grand的裝修，可惜晚上只係至到1:00，沖完涼都收了。

lobby唔差，但因為唔係禁煙，所以好多人食煙，好大陣味。

lobby的入口好靚。

在酒店等shuttle bus 時無聊又影影相。

澳門好多酒店自己都有賭場，呢間都唔例外，不過呢間酒店的賭場好細咋。地下正門對面是一大堆押舖，輸咗錢可以即押，唔知攞景定贈興。

門口個球都幾靚。

酒店有間MJ bar，有好多Michael Jackson 啲展品，不過都冇咩人知咁，好少人，發現有支酒做特價MOP 98咋，當然不太好飲，但又未至於好難飲。

房間望出去的夜景。

浴室好似宜家一般五星酒店一樣，有浴缸+企缸。

最正係呢set 沐浴套裝，是名牌喎，青檸味，好似去咗泰國一樣。

床唔算好大。

酒店lobby有呢啲花裝飾，勁靚，無聊喪影。

個架有好多盤小花，款款不同，好得意。