20171118 - ☆★康復中+Urban Bakery@Market Place★☆

11月18日星期六
星期四寫完篇BLOG 之後，以朗又好似好返少少，起碼都好精神，開親CAM同返到婆婆家都聽到呢個大聲公把聲先，食嘢都肯食，佐份量都係比較少，
成日扭計，唔知係肚痛定發脾氣啦。
不過因為病咗幾日，屙到腳仔軟的關係，冇同佢落街行。
星期四晚好似幾精神。

星期五朝早都OK，不過一日都屙成6/7次，所以PAT PAT都紅哂，心痛死人，佢玩個釣魚，釣唔到就用手拎或者成個盤倒轉，激死。

星期六吼BB瞓晏覺就落街行吓，行咗新開的Market Place，有高檔麵包店Urban Bakery，之前成日食希慎同朗豪坊店的流沙牛角包。好邪惡但好食。
不過今次我哋唔食牛角包，反而係試吓啲泡芙同蛋糕。
蛋糕名Bad Guy，一聽個名就覺得好爆，呢款係酒蛋糕用了Macallan 12 Mousse，300一個，30元一件，見有酒於是就試吓，其實有另一款叫good guy，係紫色蛋糕，由mix berry 整成，呢個就下次食吧。
酒味好重的蛋糕，cream mousse係好軟滑。不過啲黑色碎會好易整到周圍係。

另外15元的泡芙是焦糖咖啡，呢個好物超所值，因為啲泡芙本身已經整好了，所以唔好expect佢好脆，不過泡芙有啲焦糖面，可以令到佢脆脆地，彌補了不足，少少脆脆之餘，個咖啡cream好夠咖啡味，苦苦地又加上焦糖的甜味，竟然出奇地夾。

返家之後再同bb去大家樂食tea，有食通粉，不過唔知佢肚痛定想扭出來，食到一半就大叫呀。


夜晚在自己家打邊邊，個衰仔包食了甜粟之後唔肯食其他嘢。激死，唔知係因為開始揀飲擇食定係冇胃口所以扭扭。

昨晚post咗張bb床連床褥圍邊上馬友希望有人要，估唔到好好反應呢。尤其係個吊飾，公公送俾bb第一份玩具就俾咗人了。