今朝天氣涼咗好多，幾日前叫工人姐姐找冬天衫俾BB豬，點知冇搵到，激死我啦，唯有啲背心呀外套未洗都俾佢著啦，面衫都冇辦法了。
找到對毛毛鞋俾BB，不過佢好似麻麻地，天氣涼了，地下又凍咗，著襪襪影響佢行路，更加難學行。
著好哂衫諗住帶佢去樓下免費打流感針，點知一問咗佢今朝先食完最近一次抗生素之後就唔俾打針了，想免費慳返啲都唔得。
之後湊BB豬覺仔，天氣涼涼豬覺都好正。點知豬唔夠一小時又起身
咁我哋就出門口，同BB行後山條路去利安。今日天陰陰，條路好多樹，人唔多，好郊野公園同深秋FEEL，之後行到去利安，不如就喺利安食嘢，少人啲，唔駛去新港城同人鬥迫，去咗間叫嚐味食海南雞飯同扎肉雞河，都唔錯，人少少，雖然冇BB椅，但都勉強可以，海南雞飯都幾好食，可以再食多次。
之後就去利安街市買半隻雞，半斤蝦，三隻魷魚，熊人整西班牙炒飯，好耐冇食過啦，好正呢，BB本身有字母粉唔食係要食飯。
好耐冇食paella，好正呢，好耐冇食西班牙腸，加青豆，蝦，只係欠青口而已，連爸爸媽媽，仲可以剩到兩盒飯for 星期一。正。
沒有留言:
張貼留言