以朗之前一直有啲鼻水流流。點知星期一晚仲開始發燒，眼紅紅，見佢星期一晚餐之後poo爛爛，叫姐姐留意吓，點知星期二已經開始燒，而且凌晨開始肚瀉，好彩係星期二有兒科睇，醫生即時開抗生素俾以朗，因為話佢細菌感染，好慘，星期二晚想佢食多次抗生素啦，點知佢嘔哂出來，因為杰杰好難食，之後夜啲再飲奶，同高燒藥啦，差不多瞓著又嘔了出來，星期二高燒，陪佢瞓時好似小火球咁熱，39-40度嗚嗚，又唔知佢係唔係嘔哂啲高燒藥出來，好彩大半小時之後，開始降到38.9度。
但燒燒同肚痛肚瀉令到佢冇心機玩，成日要人抱住，我一去到婆婆家就更加扭抱。好慘，我哋開youtube俾佢睇卡通，佢就可以睇一陣唔扭，但睇多陣眼瞓又喊了，又要抱住，好慘。
有啲後悔星期日帶佢去飲所以出事，唔知係食嘢唔乾淨定係感冒菌入腸，總之都係我唔好，我累咗佢啦。
星期三專登去買玩具俾以朗，表哥冇得玩好唔開心，其實表弟唔多識玩，但見有嘢郁又係新玩具就開心。
因為poopoo太多次，pat pat都紅了。好彩上年生b有啲尿片膏sample。希望唔好咁好啦，佢好辛苦呢。
星期三晚開始退燒了，不過仲有肚屙呀，仲屙得好勁，又唔肯食嘢，佢幾時先好返呀，bb真係好可憐呀。
沒有留言:
張貼留言