20171111 - ♪♬♩♫ 馬鞍山昂平♪♬♩♫

11月11日星期六

今日同熊人及熊人朋友去行山，近近地就由後面山行上昂平草原囉。

今日都幾熱同幾濕，所以初初行大斜路上馬鞍山郊野公園都好熱，好彩冇咩太陽，如果出埋太陽真係熱死人。
上到去都係一個半鐘左右，比我哋兩口子上去慢一點。
HAHA
上到昂平草原涼好多，不過又未去到凍囉，幾時先涼啲呀。
由於冇太陽係唔會曬C，不過個景就唔靚啦，有啲霧，總之就係唔望得遠。
 

今日仲有不速之客- 牛牛來搗亂。佢哋先去另一班野餐人士度搶食物。


之後就走嚟我哋度踩住我哋張PINIC MAT，激死，熊唯有無奈放低兩個麵包俾佢哋食。


小心啲呀，唔好跌落去。

睇吓人哋玩滑翔傘都好。當日勁多人玩，我覺得好危險。我哋四個飲吓茶，食吓包就由西貢嗰邊回程。
西貢落山條路有點爛，應該話啲石比較多，難行少少，不過因為上次行過，有心理準備都OK。