(◍•ᴗ•◍)2012首爾(2) - 大明渡假村

2012年4月3日。

去完個雪嶽山國家公園之後，終於可以食lunch啦，到韓國的第一餐。

好似好豐富嗎？其實六個人分一窩，因為安排得唔好，所以有啲人三個可以一窩，我哋一家人六人，都係分一窩。
餸就係得咁多，不過飯就任加，第一餐，天氣又凍，唔係好夠食。

泡菜都任食，食加，韓國泡菜好多款，好正，如果真係唔夠就唯有紫菜撈飯啦。

之後就去大明渡假村，環境好舒服，因為冇帶泳衣，冇咩好做，冇游水，冇浸溫泉。
好彩間房幾好，因為係渡假村，其實係俾韓國人一家大細渡假，所以已經有煮食用具，也有齊水煲，
房冇wifi，lobby有。
天氣凍到死，好彩房有暖氣，之前對波鞋好濕，地板有暖氣，放在地板上都可以好快乾。

酒店景。
好靚的雪景。

其實停哂雪，

天都慢慢清起來。

晚上去食飯。
食韓燒，
在韓國食，很正宗吧，
呢餐有好多肉，好飽。
我唔食牛，都有雞同豬。