20120409 - ╭❤╯╰❤╮飲茶

4月9日星期一
復活節假期最後一日。
同熊出去旺角飲茶。
原本想試鳳城酒樓，不過太晏去到，到了落場時間。
於是去海港飲。
海港點心幾好食。
尤其係炸嘢。
去酒樓飲茶食少少炸嘢都OK，因為點心有蒸有炸，唔算太熱氣。
食雞包仔。

兩個都鍾意食的潮洲粉果。
呢間粉果好好食的，幾年前媽媽特登同我嚟呢間飲茶，就係食佢啲粉果同腸粉。

  煎薄餐都好食。都幾脆。

 春卷，呢間係炸嘢都唔差，問題係我哋唔可能食全部都係炸嘢。

甜品竟然有咖啡糕啊，以前冇架，我去親迪迪尼的美心飲茶例牌會食咖啡糕，估唔到呢度都有。
味道都唔錯。

 飲完茶仲去18 Gram嘆咖啡。