20130701 - (◍•ᴗ•◍)大浪灣睇浪

7月1日星期一

一早熊來接我，今日打風呢，聽日又可能打風呢，有啲唔開心。

一上車熊就俾咗個扭蛋公仔俾我，係雨褸熊呀，好正呀。

襯番哂落雨天。

經過官塘好大雨，因為三號波，開始起風啦，同埋一陣陣雷雨，忽然天都黑哂。

去了筲箕灣的新釗記食茶餐，第一份工成日在灣仔新釗記食架呢。

忽然見到新釗記有說不出的親切感。

 之後去了大浪灣睇浪，天色開始轉差，但仲未好大風，游水嘅開始離開，因為開始好危險，反而玩衝浪的人就開始陸續來到。

 幾大浪，我地上咗去救生員看台睇浪。個VIEW 好啲，有班影友拎哂大炮影浪呢。其實當時已經見住舊雨雲來緊，

 個天短時間變得好黑，開始大風大雨，

啲浪好大，好高，啲人變得好細粒。

一個大風幾陣雨打來，全身濕透，著咗便利雨褸都冇用，由於怕個電話會濕透，唯有離開，
咁大個人第一次睇到咁大浪，只是三號風球都咁厲害，如果打八號風球真係人都吹得走。

話時話，其實只有大浪灣先咁大浪，離開大浪灣沿路都唔係咁大風。