20130705 - ♪♬♩♫ 大皇拉麵小籠包♪♬♩♫

7月5日星期五，

陪熊去睇鞋，利時好多佢想要嘅款，
好多都好型仔，有貴有平，但overall都唔算好貴。
其中有啲款幾好，但係似訂造，訂造唔係唔好，不過怕唔好著。
如果好著，都係clarks好著，但就冇咁型。
有啲又好似太西裝款，斯文得滯，
結果都係未出手，唔緊要啦，慢慢考慮吓先囉。

之後去咗尖東食上海嘢。
小籠包普普通通。
唔好太高要求。

有青瓜海蜇，好正，好喜歡食海蜇，不過未同過熊食過。

鱔糊拉麵，個麵似係自家制拉麵，粗幼不一，唔知點解放粟米粒同蘿蔔絲。同平日好唔同，粟米粒唔係罐頭，似係自家手撕。

好多鱔糊好足料。好多肉。

個甜品唔得，香蕉煎餅，少香蕉肉，最大問題係啲油似益益地。

食完之後第二日就胃痛，再之後就腸胃不適。

唔知關唔關個海蜇事，因為係冷盤，夏天易出事。