20120302 - ╭❤╯╰❤╮札幌拉麵Miso no1

3月2日星期五，
今晚去整指甲，熊冇去街，在公司等我整指甲之後一起吃晚飯，
雖然口中覺得熊等我慘慘，但心底裡有種說不出的幸福感，
有時只要一小小的關懷或行動已經可以令我開心一整天。

我整指甲的地方是利時商場，所以就同熊近近地在附近食拉麵。

 拉麵店越來越多，呢間喺利時開咗好耐。出名的是牛油拉麵同餃子。

我們除了食拉麵之外也點了雞軟骨。

 仲有日本餃子，呢度啲餃子皮很薄。用蔥，椰菜和豬肉配合而成， 點少少汁，更加開胃和鮮味。

 牛油湯底十分香，最喜歡是它的麵質十分彈牙，即使吃到最後還是十分爽，份量亦多，美中不足是叉燒不夠入口即溶。

 仲有小食炸豆腐，幾好食，個汁都唔錯，唔會太咸，而質地不會一夾就散。

熊之後仲送我番屋企，幸福的一天。