20180325 - ☆★流水響★☆

3月25日星期日

今日BB瞓到十點先起身，乖乖，因為昨天十二點半先瞓覺。
唔知去邊好，同佢去郊外走走。去攞車時見洋紫荊盛放好靚，都影一影啦。

去流水響同佢吹泡泡，不過郊外地方路不平，其實BB都幾辛苦，仲有個水塘超乾，差不多冇哂水，呢啲天時冇哂松樹的啡色，唔靚呢，以前嚟過好靚架。

咁我哋搵個地方坐低同佢食嘢，買咗個蒸飯同埋啲燒餅去食。
個水塘冇水的地方龜裂，但好多泥，BB踩到對鞋仔好污糟。

冇同佢吹泡泡，因為有好多斜路，怕佢泡泡時會跌落山。
後來熊人同佢周圍行，見小朋馳執起樹枝打打打，佢又學人執起樹枝打打打。打到好開心。

原來去郊外係好好放電呢，佢上車瞓，瞓到去婆婆家都唔起身，我見6:40怕佢今晚唔瞓，迫佢起身咋。估佢唔到我唔瞓喺佢隔離都照瞓。