20180312 - ☼☀海港飲茶☀☼

3月12日星期一

同BB INTERVIEW完其實都只係9點幾咋，幼稚園附近有間海港，星期一閒日飲茶少人，就同BB一起吃吃，今次已經係BB第三次嚟啦，第一次仲係坐住BB車，俾咗少少白色包包俾佢食，第二次俾佢試點心，不太欣賞，
今次已經17個月，好多嘢都食得啦。一嚟係炒米粉，係油啲，不過BB食咗好多，無影相已分了一半俾佢食，佢好喜歡食呢，食了好多。
今日點了兩個包，一籠係雞包仔，另一籠係胡椒包，胡椒包同雞包味道係勁似。

BB都可以食少少包包。

娥姐粉果，似素粉果，似餃，都幾好食。

叉燒腸都幾滑。

仲有燒賣，今次叫咗幾樣嘢都幾好食。

BB個位可以望到電視，又食又玩，都幾嘈，食完開始冇耐性。

食完同佢去了公園玩，呢個公園大好多，BB玩得好開心，玩了成粒鐘，閒日都咁多人嚟玩，後來聽到有啲小朋友係發燒(可能燒緊冇返學)，嚇到走都走唔切啦。
玩成個鐘頭好曬呢，返到屋企大約十二點，沖埋涼就瞓覺覺豬了。