20180315 - ♠♤落街睇龜龜♤♠

3月15日星期四。
如果工人姐姐湊住BB，BB冬天都瞓得幾多，有時十點半瞓到第二日十點幾，瞓成個對，再加上午睡成兩小時，都瞓到13-14小時，瞓得多又食得多，特別好精力，所以識行之後更加要同佢放電。
我哋住新界區，地方好大，多啲地方走走，有時帶佢去商場，不過商場都要坐小巴，而且室內都怕易有菌，所以我會帶佢去樓下玩玩，因為有啲位有薄薄地樓梯，可以俾BB學行樓梯，BB都好喜歡學行樓梯，上上落落，不亦樂乎。

之後仲帶佢去水池睇吓龜龜，魚魚。



BB乜都唔識又覺得得意同好玩啦。又會同佢去公園玩滑梯，有時見到雀仔又好開心，要追雀仔。咁樣玩玩吓又成大半小時了，唔好睇輕呢大半個鐘，BB又會好開心，又可以放吓電，玩完攰攰地又好瞓好多。玩玩玩，食食食，瞓瞓瞓，又一日，最緊要開心健康成長呢。

BB近來好鍾意食提子乾，不過唔可以俾佢食太多，因為乾果其實都幾甜架，BB真係好喜歡食嘢呢，不過過咗一歲之後都唔太肥仔，可能因為高咗啦，我想BB高啲，不過又唔想谷佢食太多，最緊要佢開心就夠了。