因為同事3月3日生日所以去食好西，今次去的是LCX再行入啲的地方，係新開，唔係同同事一齊行，都唔知點嚟，先送上維港夜景，可惜今日天氣麻麻，有霧，維港都白濛濛。再加上手機影夜景係爭啲。
其中一人要開OT，所以大家要等佢。
先點住飲品，等咗好耐都冇，應該漏了單又唔認。每人一杯COCKTAIL，貴貴，味道也就好一般，偏甜。
我們點了破格創新的 宮保帶子球；記得這裡的宮保蝦球很好吃，原來改用帶子也同樣足料，一兜共有9粒帶子，襯以微酸微辣略帶甜的宮保汁，唔太辣好食，尤其是配料如大蔥好惹味，勁食啲配料。
黑松露蠔仔煎蛋
中式的蠔仔煎蛋配上西式的黑松露食材，感覺出奇地配合。煎蛋嫩滑，蛋整到好熱好流質，而且蠔仔的份量十足，吃起來啖啖肉。配上味道濃烈的黑松露，吃起來十分有層次感。
炒雜菜，OK，但份量奇少。
這裡的鴨會片成三碟，分別是：純鴨皮、鴨胸肉、鴨腿肉上檯，全部都有連皮全都好吃；而豐富繽紛八寶盒則有：藍莓醬、芥末醬、甜麵醬、洋蔥條、黃瓜條、蔥條、跳跳糖、山楂條、麼麼皮，最喜歡麼麼皮夠薄又滑，而跳跳糖（其實即是爆炸糖）配鴨皮也非常有趣。
不過我自己個人覺得都係傳統食法最好，咁貴食呢個片皮鴨真係食一次就夠了。
食完之後路過海港城出面啲狗狗，其實我好想影，不過宜家多病茵，唔想同BB去人多的地方，如果BB一起睇狗狗就好了，由於都差不多過正月十五，啲狗狗就快冇啦，所以我代BB影哂先。
沒有留言:
張貼留言