20180304 - ◈坐入錢車車@雅濤居◈

3月4日星期日
阿姐7點起身，以朗又7點起身，玩到咁上下我煮通粉俾BB食，之後帶佢去埋街先沖涼，
去街其實都係樓下公園玩吓，睇龜龜，行樓梯，滑梯，玩完沖涼就瞓晏覺，瞓到3點鐘，玩完係攰啲可以瞓3個鐘。
之後去食嘢買餸，雅濤居間大快活都有BB凳，以後多個地方食嘢。

食完行出大快活見到有個公仔，以朗想行過去，見人少少就同佢行吓個商場啦，有啲入錢車車，相信個個小朋友都鍾意坐，

BB初初唔識玩，見到架車郁好緊張，捉住架車框。



之後我教佢扭個軚盤，佢就識玩啦，仲識得按啲掣啊，好開心呢。



玩玩吓有個哥哥一起玩，好開心，之後哥哥個媽咪入錢玩多次，以朗又可以玩多次呢。

呢個商場有三架呢啲車，BB玩完仲主動上另一架車，五蚊一次，十蚊兩次，儲定啲5蚊同BB去玩吓先得。