20180306 - •●❤新玩具入手❤●•

3月6日星期二
唔知幾時開始，我出街食晚飯就會買玩具俾BB補償，
因為現階段的BB，我係佢生活的全部，我不返家吃，我相信佢會好掛住我。

份玩具係我3月1日LUNCH TIME喺玩具反斗城度買的，
因為剛巧做幾日八折，原本200元，宜家159，呢隻牌子的煮飯仔好好玩，好靚，好似真，所以個牌子叫just like home。今次呢個係雪糕廾，其實BB冇食過雪糕，所以佢未知係咩嘢，唔緊要啦，今個夏天俾佢試吓雪糕。

我又唔想買玩具買太密，星期五晚先買咗隻狗放喺婆婆家，所以會放喺公司幾日先拎返去。
星期二今日先拎返屋企，BB一見到玩具就覺得係佢，我慢慢拆，佢好有心機喺隔離睇住。



玩得好開心，點知玩玩吓又掉嘢，雖然份玩具質地好好，好軟身，不會爛，但我好嬲點解咁大個人都仲要掉嘢，所以我又鬧又打手板，但都唔聽話，於是掉去垃圾埇唔俾佢玩，佢知自己不對，最尾喊收場。



之後我又好內疚，後來上網睇，其實佢發脾氣時，鬧同打都冇用，我情緒失控，佢只會學你，所以要平靜，ignore佢可能會比較好，我脾氣大，宜家做人父母，要好好管理一下情緒，教小朋友都係要邊教邊學。