20180616 - ♪♬♩♫慶祝父親節♪♬♩♫

6月16日星期六

今朝2:00有世界盃直播，係西班牙對葡萄牙🇵🇹，難得有直播，當然要睇吓啦。熊人都趕到回家看。3:3呢，好多入球，好睇，但亦睇得出佢哋兩隊後防係有好多漏洞。另外C朗一個人入三球，HAT TRICK，真係幾勁，但一人球隊可以走得有多遠呢？

由於星期六瞓醒有姐姐，所以唔怕夜睇波，起碼👶🏽唔會太早起身。

以朗仲病緊，都唔會同佢行得遠，近近地行吓，去阿信屋買嘢，行商場，食吓嘢就算，

宜家食嘢開始麻煩同扭計，有時會唔肯食嘢，係咁擰頭，開始唔聽話，但轉頭又好肯食，食咗成隻雞脾。

之後就帶返BB返屋企，我哋兩個就去荃灣行吓。順便去楊屋道買海鮮提早慶祝父親節。經過荃新天地有間專賣奸夫的鋪頭見到呢個似招財貓的奸夫，好想買，但店員去咗食晏，冇開門。

由於我哋行一陣又去買餸，BB瞓醒就跟咗姐姐上31樓玩，兩老表好似玩得好開心，不過轉頭又爭嘢玩，嘈交。




今日食蟹，蝦同帶子，去楊屋道買海鮮好多選擇，蟹開始合時，可以開始食吓蟹。

食完火鍋仲食蛋糕，有三個父親一起慶祝，希望以後都可以一起慶祝就好了。


晚飯之後表哥的婆婆來到，準備明早一早出發去大陸玩，點知以朗一見到人就唔開心，咁嘅樣，唔知係唔鍾意定驚驚。


婆婆一行開就揾人，一見到人就伏喺我身上，BB係唔鍾意老人家，但喺人哋屋企咁樣就好失禮。