今日去咗灣仔熊人表弟返工的麥當勞買咗套Line 公仔，同世界盃有關又係Line梗係好嘢，惠顧食品加188元就有一套四個的Line Friends明星隊公仔系列。莎莉係守門員，熊大係前鋒，choco係救護員而兔兔係球證。每個紙盒都可以摺啲特別嘢嚟玩。
而環保袋係要連住一套買先有的，唔會單售，袋隻熊大質地好靚，後面有個足球公仔，一套188價錢都算平。總之套嘢勁靚啦。
樹懶作為Line Fans係唔會唔買囉，好彩找熊表弟買，因為好受歡迎，差不多賣哂，其實仲有個要買麥麥送先有的熊大咕口臣，要買70元麥麥送加58就有，可惜我真係唔會買麥麥送，所以冇得換。
另外有樣嘢不得不提就係以朗已被洗腦，鍾意bear。 由於家中有不少熊大物件如公仔，太陽能座，遮等，又有床單，之前成日喺張床單指星星，雪糕等，當然仲有熊大，熊人教以朗講bear，以腐入哂腦，一見brown就指住叫bear，但其他bear公仔就唔識係🐻囉。
另外佢一直唔多鍾意自己人生第一個buddy，可能因為啡色唔吸引佢，不過我有次同佢睇相見佢自己攬住隻brown，我就拎返佢隻公仔出嚟，佢今次又好鍾意啦，識得叫bear仲拎佢拼落張床鋪個brown公仔即是一樣的意思，佢宜家一見Brown就嗌bear，證明已成功洗腦了。
#出世時表叔的禮物
#阿媽表示好鍾意
#以朗問係邊位
#20個月大終於開竅
沒有留言:
張貼留言