20180609 - •●❤死侍2❤●•

6月9日星期六
今日瞓醒就帶以朗去新港城走走，但因為落大雨，就冇過去雅濤居嗰邊，同以朗四圍走走就算啦，BB最喜歡睇新港城的3D廣告。行商場，睇世界盃吉祥物，行吓馬鞍山廣場啲熊貓，其實今日我哋主力要買飛睇戲，因為今日姑姐姑媽嫲嫲下午嚟，見BB有人陪，我可以睇場戲。



生了以朗之後，好少好少睇戲，係上年51假期睇過一次戲，之後就再冇時間睇戲，尤其熊人轉工之後，根本冇可能WEEKDAY同我睇戲，WEEKEND我又唔捨得行開唔理以朗，尤其是佢越大越黐身，越大越識嗲我，我真係唔想行開呢，今日見有好多人嚟可以行開吓，

聽聞死侍2好好笑，所以睇吓。


賤嘴型男賴恩尼諾斯再度瞓身飾演的死侍，為了拯救一名死肥仔細路，不惜吹個靚雞班齊老友，聯同一眾年輕異變人、包括爆炸頭烈女多米諾等組成的超勁團隊「變種部隊」，晒冷出盡奶力，對抗來自未來、鍾意四圍炸的超級士兵機堡。死侍一邊打大佬一邊探索人生朋友愛人相處等大大大哲理（下删五百字），最重要當然是思考超級英雄的真意義 — 為對的事而戰，污糟邋遢在所難免！

電影《死侍2》（Deadpool 2）獨特的世界觀以及超嘴賤的爆笑內容，讓電影擁有超多粉絲喜愛，創下票房佳績後這樣的搞笑風格相信還會持續下去！而且戲中也有不少關於動漫、英雄電影和演員們的抽水位，相信大家都笑得很過癮！

三級片係因為幾血腥同暴力，不過我哋喜歡係佢啲笑點，笑點好密集，絕冇冷場。

睇完7:15左右，即時過哥哥度食晚飯。
BB一見我回來就要我抱，唔俾其他人掂，變臉變得好快，好衰格。