20180610 - •●❀又去飲茶及沖涼潑水❀●•

6月10日星期日
今日BB又係8點半起身，我哋又去飲茶算啦，飲完茶返學就剛剛好。
以朗自己食雞飯，幾乖，之前食過腸粉，今次一見到腸粉又要食，仲一個人仔食了大半條腸粉。唔知佢係喜歡豉油的點，另外又喜歡食點心裡面啲花生。總之所有爽口同有咬口的都喜歡。

不過佢食食吓飯開始有鼻水，唔知係冷氣吹親定係病，點知佢抹完又有，好彩上堂時唔算多鼻水，怕惹到人。宜家上堂開始知道老師做緊乜，雖然都仲係成日衝出去，但係收拾，做運動之類，拎嘢都幾聽話。有時上上吓堂見到啲星星會叫STAR，見到雨傘又會叫UMBERLLA。佢返學都開心的。


上堂情況，都開心豬架。

回家就同佢瞓晏覺，瞓醒又有鼻水，肯定係傷風了，因為阿姐病了成個星期，BB同佢同房好難唔中伏，再加上佢瞓覺之前唔帶MASK喺間房成兩個鐘，咩病菌都散哂喺房啦。
雖然以朗有啲傷風，好彩佢仲好生猛。
好百厭就真，沖涼無端端識潑水，熊人同佢沖涼時，潑啲水去熊人度，仲笑都卡卡聲，識得整到人仲笑，真係多古靈精怪嘢呢。

仲要自已拎綿花棒撩肚臍。

搞馬油，著衫又係唔聽話，整古做怪，

去到婆婆家又係冇時停，成日跳跑，流住兩行鼻水都勁跳勁跑。佢冇發燒同精神，就算病都放心了。