20180620 - •●❀唔著衫❀●•

6月20日星期三

就快俾以朗激死，唔知點解鍾意唔著衫周圍走，通常夜晚返屋企就同佢換長袖睡衣，佢一著件長袖睡衣就要自己解開啲啪鈕。解哂所有鈕之後就連衫都除埋。除咗件衫就想自己試啪返埋啲鈕。

再唔係就拎住件衫通屋跑，我叫佢著返件衫就覺得我同佢玩，阿崩叫狗，越叫越走。覺得好得意係咁跑，最慘屋企要開冷氣架，佢唔著衫會凍親，有時同佢著返好，轉個頭，行開整少少嘢佢又除咗件衫。

加埋佢宜家個百兩金頭，肉肉酸酸咁，真係唔知好嬲定好笑。