20180613 - 恐龍🦖展+以朗病病╮(╯_╰)╭

6月13日星期三

以朗病了，有鼻水有咳，雖然都係食呢啲藥，不過都係睇睇醫生，因為啲藥唔多夠啦，有一兩款藥會唔夠食，同埋比較耐，怕冇乜效。

星期一觀察吓，多鼻水又咳，星期二都係叫媽媽朝早帶佢睇醫生，因為星期三冇得睇。點知睇完之後仲咳多咗。食了氣管藥都仲係咁咳，雖然bb係會病，亦都病咗唔少次，但聽到佢咳我都仲係好心痛，好擔心。

星期二食飯時去ifc睇恐龍展，其實係恐龍化石。

想睇係因為有pop up store賣恐龍嘢，本來想買隻恐龍毛公仔俾以朗，但係299，真係好貴，怕佢玩兩玩唔玩就好浪費，仲有tee shirt，99，但唔係太吸引，唔係好靚，最後買了本故事書同埋activity book, 因為係一套賣，80元，activity book係填色連線之類，以朗未識，所以收埋了。等佢大啲先玩。故事書就同以朗看圖講故事，以朗好開心。佢好鍾意恐龍，識叫Dino 。

咳係好嚴重，但佢都係精神，飲多啲水，希望快啲冇事。

星期三就去文具店買予畫板（白板）俾以朗，因為呢塊白板有磁力，可以吸住之前買的abc字母，不胖散收收，咁都50元，有筆，不過又係唔俾以朗用住，因為係水筆，會整污糟哂啲地方。