20180603 - ╭。☆星期日飲茶上堂☆。╮

6月3日星期日

星期日姐姐一放假，以朗發現冇人就會好早起身，自己落床行過嚟間房搵我哋。

今日八點半起身，都算好彩，因為之前試過七點幾就陪玩。有時朝早整早餐俾佢唔食，咁我哋就諗不如去飲茶。十點半左右去，先去海港，不過星期日的海港點會咁易俾係你有位，等咗一陣以朗已不耐煩，所以我哋去豪宴，好彩唔駛等。

之前飲茶主要食炒米粉，點知今次乜都食，幾好胃口，

咁樣飲水又開心，以為自己飲緊湯？傻人。

好似真係好好飲？哈。



點心唔平，啲味部嗰啲魷魚鬚好貴，食普通點心好過，如鹹水角。

蝦腸，以朗喜歡食腸粉，可能因為有豉油。腸粉都唔錯，好過稻香啲皮硬的。

最平的飯，貴妃雞飯，以朗食啲飯比較好。冇食咁雜，好難先搵到啲平嘢又可以俾以朗食的。不過啲雞都幾鹹呀。

粉果，俾啲沙葛，花生俾以朗食，佢好鍾意呢。

鳳爪佢都有份食，不過係食啲花生，以朗原來喜歡食花生。
呢間酒樓點心普通，但十一點前多數有位，都食得過。第日以朗早起身都同佢飲吓茶。飲完茶走時好多人等位呢，好彩早一步咋。

食到十二點左右就行過去上PLAY GROUP，宜家以朗都入哂局，雖然都仲未肯舉手叫到同埋唔會食餅時飲水水，不過其他地方都好跟到老師，有時仲會喺老師講嘢時衝出去好留心聽，今日玩爭凳仔，運動嗰啲都好開心，佢都好鍾意一齊玩，但唔跟次序做運動，
起碼佢宜家都習慣上堂，都幾開心，有參與，星期日對以朗嚟講應該好充實，有成個鐘玩，之後又去冒險樂園，再去行街街。
宜家新港城有唔少世界盃嘢，以朗一見到波波就開心，

咩都行去玩吓跳吓舞咁。原本有個MIDES的排隊射龍門拿錫紙汽球，但太多人排隊，有排等了。所以冇玩。



另外2樓有2018世界盃官方吉祥品，以朗一見個大公仔就好開心，當係狗，成日都要行埋去呢，又喺附近手舞足蹈跳舞。





我同以朗都有影相留念，話哂四年一度。希望以朗大啲可以同我一齊睇世界盃就好啦。