20180617 - ☼☀上堂+星巴克☀☼

6月17日星期日

宜家每個星期日都上堂，天氣熱辣辣，有時都唔知去邊好，去返學就唔駛諗節目都唔錯，👶🏽返學玩吓玩具，食茶點都幾開心，佢宜家都開始跟到老師好多。老師叫收拾就即刻去，唔駛我哋陪住出去。叫攞櫈擺櫈都好快會自己擺，唔駛幫，唔駛扶。

今日父親節，有一環節係整禮物俾父親，哈哈，都係我哋自己整返，以朗參與都👌🏼，playgroups最後最後通常有吹泡泡，亦係小朋友最開心的時間，啲小朋友一見到泡泡就好瘋狂

由於今日係父親節，飲茶應該好多人，所以冇去飲茶。因為以朗仲有啲咳同鼻水，唔想同佢去太人多同遠的地方。上完堂行一陣就算。剛巧見到平日永遠無位坐的STARBUCKS有位，知道星巴克有BB櫈，所以不如坐吓食少少嘢。平日星巴克永遠都係俾啲學生用嚟溫習，或者傾保險，真係一位難求，我有FREE DRINK又想同熊人食吓啲包包，所以叫少少嘢食吓。

見到未食過亦未見過的抹茶撻，忍唔住買一件試試，好CREAMY的抹茶，仲要1濃味，如果係抹茶控一定會喜歡。

熊次次都食腸仔卷，今次我買就買個火腿芝士牛角包，我知熊人一定喜歡隻芝士呢，Brie Cheese & Ham Croissant，布利芝士火腿牛角酥，$25，酥脆的牛角包味道很香，夾著大片芝士及火腿帶來鹹香，若翻熱後才吃就更加滋味

我行開買嘢食冇喊呢，同熊人玩得好開心，宜家識得扮鬼臉呢。古靈精怪，表情多多。