20141109 - •●❤西賞楓之旅(6)渡月橋❤●•

11月9日星期日

 

去完靚到嘩嘩聲的天龍寺，我哋就行出去大街寺渡月橋方向進發，天氣開始轉好，冇乜點落雨，走在街上兩旁都是店舖，有賣精品，也有不少食店。

 

兩旁好多食店，我哋隨意揀一間食麵的。上次來京阪是初夏，而且著住和服，所以係食冷蕎麥麵，今次是初秋，所以就吃蕎麥湯麵，有魚蛋同腐皮，其實日式麵有湯都好好味，因為湯底唔會味精，浸湯吃是另有一番滋味的。

熊人都係食冷麵，不過係魚的冷麵，喜歡吃魚就覺得好食，我就覺得魚腥咗啲。熊人就好喜歡了。

之後就繼續行，見到呢間食串串，次次都好多人食，去旅行多了一個胃的熊人，當然又食吓啦。其實都是類似炸魚蛋，炸蝦肉丸之類，不過又幾吸引都幾好食，因為日本其實唔係好多街邊嘢食，所以見到就要食吓。^_^


到了渡月橋，好舒服，雖然是天陰陰，不過停雨了，行吓涼涼地，個山開始變到女丶種色，唔錯。

而對往呢啲咁紅的大葉樹不是楓葉，而是櫻花樹，呢度種好多櫻花樹，可以想像到櫻花季節坐在櫻花樹下是多浪漫。


宜家是秋天當然冇櫻花，不過呢啲櫻花樹變成橙紅色，一樣好吸引。


認住呢啲樹，如果有機會四月來京都，一定要嚟渡月橋賞櫻。


四周又紅又綠，這就是秋天的浪漫。

由於沒有日照，所以天很快就入黑，我哋要回酒店取行李去大阪了。

走的時候當然又買啲小食食吓啦。冬甩是熊的至愛，我以前只是一般，怕甜，不過跟住隻熊人耐咗，我都喜歡別冬甩。