20180511 - (｡◕ω◕｡)以朗照片

5月11日星期五

好多相相， 呢啲姐姐影架。5月2日星期三

近來鍾意玩床，碌碌吓就開心，其實細個邊個唔碌床呀？

夜晚喺婆婆屋企，公公張床係呢兩老表的遊樂場，亦係戰場。玩吓扮瞓覺呀，跳床等，不過呢張床唔係酒店彈簧床嚟，唔彈架師兄。兩個玩得開心。唔鬧交唔爭嘢玩時，係幾開心的。

嬲嬲豬的以朗。


姐姐過婆婆度同佢影相，近日成日落雨同佢戴帽帽。咁樣有啲紅色幾好睇，衫有紅色，褲有紅色，拖鞋紅色幾得意。

雖然都幾好肉地，不過俾人感覺都係偏向修長型，難得肯企定定影靚仔相，喺我眼中以朗係好靚仔，冇法啦，係前世情人嘛。



5月11日

近來買啲水果俾以朗食，佢鍾意食啲一粒粒可以自己拎住食的水果，如士多啤梨/提子/藍莓，不過佢太心急，成日想成粒食，士多啤梨大粒都想照吞，怕佢鯁到，所以藍莓比較好，宜家返嚟洗好水果用暖水浸好，佢有時扭計就會俾佢食，佢會乖乖坐喺度食，食完就唔記得自己扭過啲乜嘢。




ლ(❛◡❛✿)ლ