20180522 - ლ(•̀ _ •́ ლ) 沙田文化博物館

5月22日星期二

有一日佛誕假期，最正係工人姐姐係冇得放的。咁我起碼可以琴晚去跑步，朝早瞓得晏。中午可以同👶🏽玩，咁係最舒服的日子。

宜家天氣熱辣辣，好似七八月咁熱，好難烈日當空下帶佢去公園玩，要諗吓同以朗去邊度玩先得。

今日難得表哥唔駛去上興趣班。所以一早約埋嫂嫂不如同以朗一齊去玩，佢提議近近地去沙田文化博物館。

於是一齊12:30左右出發，原來係有兒童探知館，係可以專俾小朋友玩的地方。
以朗一嚟到就好開心。
 

起碼有啲冷氣，又有幾大地方走走，雖然唔似政府室內遊戲室咁有軟墊，但周圍都係FOR 小朋友的，咩都同佢玩吓，俾佢有啲空間走嚟走去都夠好啦。

如果大啲，到四五歲時其實可以學到嘢，學吓啲鳥呀蝦呀。

兒童探知館適合小朋友參觀，其中大部份展品特別為4至10歲的兒童設計。在這裡，小朋友會發現大自然的奇妙，揭開考古的奧秘和體驗香港昔日的情懷。
展館分為8個學習遊戲區，讓小朋友漫步米埔沼澤，深入地底，潛入水中，又和鳥兒、昆蟲及海洋生物做朋友；小朋友亦可以透過精心設計的遊戲，認識本地考古學家的工作，一睹香港神秘的出土文物；還有，小朋友也可以在此探索新界傳統鄉村的生活，並可與家人一起分享昔日兒童的玩意。




泥土等等。



在米埔濕地探險，可以認識特別的動物品種。



小朋友化身為小村民，在農村生活學習區內體會昔日農村生活。

 

以朗玩到兩點幾都有啲攰，我哋大人就覺得有啲餓，表哥就唔想走，哈哈，佢哋兩老表一聚頭就特別開心。明明攰攰都仲有氣力玩玩。

扮考古，整返啲神秘的出土文物。~~

在海底花園學習區內的電腦遊戲。好似打機咁，小朋友最開心。


可惜今日附設有「香江童玩」展覽仲未開，睇返網頁呢個「香江童玩」展覽，展出本港設計、製造或銷售的玩具，可以細說香港玩具的發展。更可在展品中發現一些風靡一時而現時又難得一見的古董玩具，重溫兒時舊夢！此外，展覽內設有試玩區，讓小朋友試玩不同玩具。

玩完之後就去「牧羊少年咖啡慢遞館」食午餐，估唔到博物館內有間咁似樣的餐廳。
創立於2012年，除了提供餐飲服務外，致力推動旅遊、人文、音樂、創作、社福、五大文化。備受追求慢活文化的年輕一代喜愛，近年已經開了多間分店。

我們點了肉醬意粉同香蒜黑椒煙胸意粉。可惜小朋友都好肚餓，掛住食，冇拍照。意粉整得好爽口，唔會腍同發漲，用鮮黑椒，比較有HEART。

同辣肉腸pizza，pizza 底及邊邊位置焗夠香脆，芝士頗多，餅底薄薄，但比較油，

焗薯，一客三個有牛肉醬，蘑菇同埋蝦各一個。