20180505 - 👍🏽Boxhill openday👍🏽

5月5日星期六

今日係Boxhill Openday， 約了同事一起去，點知佢琴日睇五月天唔知醒，咁我哋出門口先，點半鐘開始，本來想坐的士去，因為嗰度坐小巴都要行，咁不如坐的士，可惜又冇的士，結果我哋行路去，好彩今日算好涼快。否則熱死。

出發時，戴帽帽，好靚仔呢，不過以朗唔多喜歡戴帽，成日自己除去。

由於喺屋苑裡面，要登記好煩。但冇所謂，旨在俾以朗去玩吓，一去到有課堂demo，老師唱歌跳舞全英文，以朗可能聽慣英文，都冇乜問題，跟吓老師唱兩跳舞，佢又幾鍾意，好似上一堂playgroup 咁，哈哈哈，可能以朗都有上過堂，所以都有跟到，有啲互動。

之後去班房玩吓玩具，睇吓嘢，我哋攞咗個糖蔥餅食，以朗乜都想玩，但有啲眼瞓，見到佢個女朋友仔，不過佢個女友好似怕咗咁多人，喊喊，兩個冇互動，之後打算走時，入咗個班房參觀整嘢食，俾以朗見到士多啤梨即時癲咗唔肯離開班房，咁唯有同佢整啦。


點知佢見到玩具就起勢玩，又唔肯坐低整嘢食。

啲玩具又真係幾吸引。




最後都同佢整咗，叫fruit rocket,其實係啲水果串成一串，我一整好，有人已經急不及待要食，想影吓製成品都唔得，鬼咩，士多啤梨，藍莓，提子通通係以朗至愛，一陣就食哂一串😒😒


整完呢個真係要走啦，呢知時候又見到女朋友仔，拖咗一吓手仔，可惜冇影相。走時又可以送一個汽球，有得玩有嘢送，開心死啦。

之後去頌安大家樂食嘢兼買餸就返歸。

今日好多係打算今年報N,下年讀書的2017B，有啲都字識行，以朗係2016年出世顯得特別高大，似巨人，本身都高的以朗同返2016出世的就冇問題，因為大部分人都大過佢，變咗同佢差不多高，宜家以朗大過人就似巨人，所以的比較想佢今年入學囉。