20180515 - ✧*｡٩(ˊᗜˋ*)و✧*｡ 坐巴士？

5月15日星期二

今日熊人帶以朗去playroom 玩，佢冇咁癲啦，熊人話閒日唔多人呢，不用排隊，唔會爆哂，而且大部分都是未讀書的BB。

以朗都係最愛玩滑梯，今年五月已經好熱，似暑假咁熱，看來炎炎夏日已提早降臨。去室內playroom 可以讓以朗安全玩，不用跟實每一步，而且有冷氣，真係舒服好多，其實公園係好玩啲，但呢啲天氣加埋個毒太陽真係死人架。曬完分分鐘中暑，到黃昏又多蚊，好難搞。室內唔駛曬有冷氣可以讓以朗放電咪幾好，放完電可以即瞓。

以朗啲玩具越來越多，我要想辦法執吓，公公買咗個布盒，原來都好大個，諗住放玩具啦，點知以朗一見到個盒就坐落去玩。當坐巴士咗，個盒真係寫住Double decker bus。





其實都幾得意，不過都危險架，因為佢出出入入時好易反，反咗就跌親架啦，我當晚行開一陣洗水果佢就反咗車跌倒吓，好彩只係叫咗幾聲，之後佢就唔玩啦，希望佢早上姐姐行開行埋時唔好咁玩啦。