20180527 - •●❀自己帶兩個鐘❀●•

5月27日 星期日

有人要去錄音，連一個星期陪我一日都要剥削埋。

好彩仲有啲良心同以朗上playgroup，今日有姐姐同佢瞓夠晏，但以朗都好呆吓，又唔係好聽話，唔係太合作，唔係扭計，但就冇乜反應咁，幼兒啲嘢你真係估佢唔到，可能因為燒過狀態唔好？

不過今日玩啲嘢都好特別，玩冰粒，玩揀啲鴨鴨同魚魚，以朗一見到啲膠鴨就大叫duck duck。慌死冇人知佢識咁。

上完堂條友就即閃，雖然買了姐姐假，但我唔想姐姐一齊帶，我亦唔想立即返屋企，因為唔想以朗覺得只有媽咪一個就冇嘢玩，我照帶以朗去冒險樂園，玩一陣，玩入錢車車，但今日太熱了，入錢車車度好熱，於是帶以朗入惠康買藍莓，冷氣勁啲，同佢學吓生果，之後行返過去新港城，見到我開傘就叫umbrella ，叻叻。原本想去playroom，但怕要等一節但以朗唔識冇耐性等扭計，唔敢一個人帶佢去。去新港城睇3D，睇一陣就似攰攰要抱，再過馬鞍山廣場世界盃玩玩，又係玩一陣要抱，見人話馬鞍山中心有扭波波又去拎，但今日好熱，行去都熱溶了，之後等808回家又好耐。等大家樂下午茶又好耐，結果以朗頂唔住發脾氣，我都好嬲，叫姐姐同以朗返家先，以朗見唔到我仲喊得緊要。

瞓醒一覺又乖返，不過好黐身，完全唔跟爸媽姐姐，行開半步都喊豬。好攰，但佢願意的話，黐得幾耐得幾耐啦。

斯文豬







又想跳，婆婆度特別百厭成日要跳。


夜啲以朗瞓咗時，個賤人話唔做唔續約，好呀我見佢西口西面都唔想要忍佢了。不過咁急搵人好煩。