剛剛病好了，可以上堂啦，因為以朗好早起床又翻瞓，十一點都未起身，我又記錯時間以為12:30上堂，其實係12:15，趕到飛起，因為以朗出門口都好耐啦，三個人食早餐，沖涼，最後坐的士都遲到咗五分鐘，一去到playgroup 已經好開心，因為彩色地墊一望就知係俾小朋友玩玩架。見到好多玩具，成日想衝出去拎嚟玩，老師點名叫同學仔，要講到，以朗唔識呀，不過都唔緊要，玩樂器又唔識交換，咩都唔識講，不過以朗都鍾意返學，因為有其他小朋友，又有嘢玩幾好。
有做運動，捐隧道，玩滑梯等，以朗最鍾意，之後又食餅餅，飲水水，玩吓有益的玩具又話落堂，一個鐘好快過呢。
上完堂同以朗去隔離冒險樂園玩。仲冇俾錢玩，只係俾佢摸吓啲制，見到好多公仔又彩色，佢已經好開心。
掂吓啲制都好開心，覺得自己識玩，五光十色，有唔同遊戲，以朗睇到都開心啦，
跳舞機？其實係運動機，好喜歡喺度跳舞，好似企喺舞台上表演咁，佢好興奮，如果有其他小朋友佢仲開心，一齊跳，其實部機係要踩嘢，唔係亂跳架。
講真彩色又有光，大人見到都開心，細路仔見到更加鍾意啦，不過如果有人入錢玩就唔好阻住人，要讓位。
有啲類似揸車車咁又好開心，係咁扭吓個軚盤就係架啦。之後又同佢去樓下坐入錢車車，宜家一見到三架車就自己衝埋去啦，細路仔最開心就係有得玩。返學個場好多嘢俾細路仔玩，真係唔錯，
過返新港城玩木船，好鍾意周圍擒。之後以朗好似肚餓，想行多陣都唔得，都係盡快返去食下午茶。
食通粉，宜家識得扭計，唔順佢意就會扮慘扮喊，但冇眼淚的，個樣好肉酸，
但俾佢扭到個檸水杯篤篤就笑返哂。激死。開始識扭計了。
沒有留言:
張貼留言