20131009 - •●❤沙田宜家❤●•

星期日同熊睇樓之後，好快就決定搬 。雖然地方好好用，不過因為office 都搬埋，所以要預樓少少地方放office 嘢。變左有部分傢俬唔要得，事實上佢啲傢俬都好殘，乘機換左佢都好。

我地於是去宜家傢俬度行下，雖然唔耐用，但個樣幾好，睇中左梳化床同衣櫃。不過未買住。

睇完之後去食野，都係宜家餐廳，本來想食火腿，但最後一份俾前面個巨人買左，

唯有食春雞，雞比較鞋口，係咁上下，熊仲幫我切好哂隻雞，原來有個雜菜餅，都唔錯，

我地仲點了炒雜菇，好似九蚊咋，清清地，旨在食下蔬菜。

熊食肉丸，十粒咁多，我都想食，只可惜有牛肉，

仲點了件意大利芝士蛋糕，味道不過不失，食左之後好飽啦。呢度咖啡，汽水都無限refill,我地想要茶，只可refill水，茶包得一個，但我地之後refill左杯咖啡。

初初同熊識左無耐，同熊行過一次宜家，熊當時係要我同佢揀地氈呢，話咁快又差不多兩年了。熊快要搬第二次，希望熊第日唔駛成日搬啦。

返到屋企，媽咪同我買左本雜誌，係有奶咀b的雜誌同埋送一個大袋，一個腰包同一個牌，好靚，雖然布袋唔耐用，不過應該可以用一年半載掛。