20161209 - ヾ(◍'౪`◍)ﾉﾞ出院了

12月9日星期五

冇再發燒，所以可以出院，一早大約七點鐘，bb就起身要食，咁我問姑娘拎兩支奶俾bb。

點知佢俾咗三支，我拎一支返家留念，初初出世喺浸會餵奶都係呢隻，呢隻奶專俾醫院，出面冇得賣，一支三安，好似玩具咁細支。剛出世時，只飲50ml都飲成半小時，要分三次飲同掃風，宜家豬仔一口氣十分鐘入哂，由於住隔離病房，奶係放在房門口用熱水座熱，我飲完一支再出去攞一支嚟飲，點知唔肯再飲，激死我。等到九點幾，姐姐到，又要飲奶，因為之前只飲了三安，但又係飲一支就罷工。

九點幾十點，兩個醫生評估過，可以出院，去藥房俾50元同攞支眼藥水當鹽水就回家，

我們的家有bb豬才像樣呢。

回家我就倒頭大睡到5:30，因為喺醫院凍親，感冒返頭，我去樓下睇醫生先過媽咪度，一日醫院真是彷如隔世。