之前一晚好眼瞓又肚餓，不過酒店好舒服，所以係咁瞓，不過酒店都幾應聲，到咗朝早時附近啲人好嘈呀，俾佢哋嘈醒咗，之後唔理佢再瞓過，一瞓醒已經十點半，過咗早餐時間，冇咗早餐食，結果去附近啲鋪頭食，嘩！難食到呢！超級極度難食～
之後又去番議事亨前地大三巴等再影相，因為尋日係影夜景，今日係影日頭，好多人呢，好鬼熱，熱到要拎傘，係玫瑰堂附近影相時，有個外國女人，主動幫我同朋友影合照，好NICE咁，點知影完之後作狀想攞走部機，當然佢只係作狀，不過都真係幾驚架，後來見到佢又係咁同其他人影相又想攞走部機，而全程佢老公都用VideoCam影住架，唔知真係俾佢嚇親！
好彩大炮台地理上比較高，有啲風，不過由於太熱，要急不及代去食嘢先！
沒有留言:
張貼留言