20120114 -╭❤╯ 澳門一日遊╰❤╮

1月14日星期六。`

唔駛返工，同熊DAY TRIP遊澳門。
原本係打算聖誕假期之後，新年假有三日，可以揀一日去澳門行吓。
點知我係咁病。
最後要改到14/1先去。
一早同熊約好在港澳碼頭等。
去到都下午了。
經過有間餐廳的外牆好有特色，於是影吓。
我哋先坐Shuttle bus 去氹仔。

氹仔好多嘢食。一定要食水蟹粥啦。

仲叫了雙併的鯪魚球同墨魚丸。

丸就一般，都係喜歡食水蟹粥，好鮮甜。

之後我哋排隊買肉切酥。

阿蘇介紹過好多人排隊，不過當日唔係好多人喎，排咗三個字就買到。

我哋係官也街附近行咗一陣，之後去了一間細細的CAFE 飲咖啡同埋食木糠布甸蛋糕。

呢件蛋糕好好食，木糠布甸蛋糕中數一數二的好食。好食過一杯杯賣的莫義記。有機會一定要再食。

本來想食大利來豬扒包，但原來被封鋪了，去年五月先同朋友一起食過，有其他遊客都摸門釘，應該是暫時性吧。。

之後我們坐的士去黑沙海灘。

因為我哋想去食葡國菜，法蘭度餐廳，平日好多人架，今日好彩唔多人，而且正值3,4點唔上唔落時間，所以唔駛等。

門口只有一堆草，旁邊就係黑沙灣沙灘，好像泰國的島嶼上的餐廳一樣，只是一個簡單的屋仔，好悠閒好舒服。

入面的裝修就好像古堡咁，好正呢。

難得熊唔駛揸車，所以點了sangria。

餐前麵包又大又好食。正。

1 jar 每人可以飲好多，不過熊唔飲得，好快就面紅耳赤了。

當然點了出名的燒乳豬。

好正，皮脆脆的，肉很嫰。

馬介休球，都好食。

我們都有在黑沙海灘附近行吓。涼涼地，好hea~ 

之後出番嚟大三巴，議事亭前地行吓。

都好多嘢食，一邊行一邊食，都冇分正餐唔正餐。XD

晚上的燈光加上有新年的燈好靚。

 大三巴點睇都咁靚。

 教堂- 玫瑰堂。

最後我哋仲去了STARBUCKS HEA 一陣，食了心太軟同埋飲啡。

好晏先回港，十二點仲去灣仔食雲吞麵。

同熊過了愉快的一天。第一次同熊外遊好開心。

回到家影吓肉切酥，放上FB後好多人回應，原來好難買喎。