20130402 - ❤海南少爺❤

4月2日星期二

想去睇TEE，於是同熊去沙田睇吓，其實想買美豚TEE，不過冇。
因為冇得賣了。去CHOCOLATE 睇啦，執埋。
行咗一輪，同熊去了UNIQLO買了TEE~
之後去食嘢，熊忽然好想食喇沙。
於是去食海南少爺，上年年頭食過一般般。
今次因為好想食喇沙，所以再食。
有壺茶好香，最鍾意靚茶。

 開胃前菜涼拌木耳，帶酸味和麻油香，不過份量好少，幾啖就食哂了，好開胃，於是問佢攞多幾碟。

 點了黑松露豆腐，好好食。
不過要98蚊，得四件，好貴，好大舊黑松露，不過一般黑松露食法是碎的，宜家咁大片有啲奇怪。

 海鮮喇沙，今次覺得唔錯，可以選米粉瀨粉兩溝，不過覺得都是米粉好食啲。一年前好怕辣的我，宜家鍛鍊到冇咁怕辣了。
份量很多，配料有墨魚仔，蟹柳， 魚片，豆腐卜，半熟蛋和一隻蝦，
湯底味道唔錯，幾夠味，幾香，有濃濃椰汁香同時帶點微辣， 另有多一小碟辣油，如果喜歡再辣啲的人可以加辣油。

 仲有點了一個似沙律的，唔記得叫咩名，有青蘋果，梨同埋菠蘿，幾開胃。

總括嚟講啲嘢食都OK，不過真係價錢偏貴。