ヾ(◍'౪`◍)ﾉﾞ3.12 & 3.13 飲食

仲寫緊上星期，因為影咗啲相唔想嘥，希望大家唔好嫌我無聊。

花展當日去維多利亞公園附近的茶餐廳食lunch，33元

炸醬撈麵+

兩粒雲吞，兩粒魚皮餃，一杯好味奶茶。抵食，好飽。 

同日晚上食壽司，已經唔係去近日大熱的板長壽司，而係去飯堂，但係可能因為電視劇關係，好多人食，五點九開始喪多人等位了。想唔等位要五點九之前去到....=.=

 近來好喜歡食呢個素翅。

呢個明大子燒魷魚唔得。冇下次。

好耐都唔記得食辣三文魚，好好食啊。 

 三月十三日星期日瞓醒早餐都唔食就去金滿庭食。

必食小籠包。好薄皮。 

雪菜肉絲炒年糕，雪菜好鹹啊！ =.=

 第一次order壽包。

12蚊個，order最少兩個起。高力弄沙好食啲，不過如果有人生日，壽包又幾得意嘅。
 

一點前埋單免加一，幾抵食呀，十二點去到冇咩人，好舒服呢，但十二點九食完就已經爆多人排隊了。