國慶假期，但姐姐三個月內公眾假期要扣錢，佢選擇唔放假，所以諗帶埋姐姐去燒嘢食。
今日同熊人一對夫婦朋友燒烤，佢哋知道係以朗生日，買咗蛋捲俾以朗食，以朗就開心啦，又有蛋糕啦，呢個係鬆弛熊蛋卷，好靚，好似係咖啡味，以朗見到好開心。不過味道就比較甜。
熊朋友一點前就到了。佢哋坐一陣就再去街市買海鮮，飲品，佢哋先上咗去郊野公園霸爐，之後再去買嘢，我就同姐姐以朗食下午茶，因為我家姐姐要食飯，以朗都要食啲粉麵比較好。
熊同朋友搞掂哂個場就再車我哋上去，好彩有工人姐姐咋，以朗玩足幾個鐘，一開始玩泡泡令佢好hyper，玩哂支泡泡就玩石春路呀，平衡木，基本上就係喪跳，無緣無故跳跳跳咁，
有好多其他小朋友一起玩，一見到泡泡個個就追跳拍，個個都開心。
有啲小朋友帶了足球踢/玩羽毛球，雖然唔係好大地方，但小朋友都夠玩，仲有啲欄，以朗見人玩引體上升佢又玩，佢又玩到先好嘢，有啲矮欄係要嚟做拉筋，高度就啱佢，有啲好高欄佢又要玩，要姐姐舉佢上去，冇命，少啲氣力都唔得，最勁姐姐陪佢玩足兩個幾鐘呢。
今次熊負責醃大部份的食物，有豬扒，雞翼，牛扒，跟熊媽媽的方法醃，有薑味好食，今日唔算太熱，上到山上涼涼地好舒服。
有啲自己帶帳篷俾小朋友玩幾好，好耐冇喺郊野公園燒烤，好舒服好玩呢，空氣都清新好多。
今日仲買了些扇貝/貴妃蚌燒烤，好味好鮮甜，另外燒茄子都好食，以朗玩到六點幾食了兩塊麵包俾我攬住一陣忽然就瞓咗，終於放哂啲電，放盡哂，哈哈，冇咩幾可會咁樣瞓著覺，瞓了大半小時起身，七點幾都走了，返到屋企姐姐再煮少少嘢俾以朗食，熊人部電話死了，要急急攞返個backup，所以冇出去開工。
有好多其他小朋友一起玩，一見到泡泡個個就追跳拍，個個都開心。
有啲小朋友帶了足球踢/玩羽毛球，雖然唔係好大地方，但小朋友都夠玩，仲有啲欄，以朗見人玩引體上升佢又玩，佢又玩到先好嘢，有啲矮欄係要嚟做拉筋，高度就啱佢，有啲好高欄佢又要玩，要姐姐舉佢上去，冇命，少啲氣力都唔得，最勁姐姐陪佢玩足兩個幾鐘呢。
今次熊負責醃大部份的食物，有豬扒，雞翼，牛扒，跟熊媽媽的方法醃，有薑味好食，今日唔算太熱，上到山上涼涼地好舒服。
有啲自己帶帳篷俾小朋友玩幾好，好耐冇喺郊野公園燒烤，好舒服好玩呢，空氣都清新好多。
今日仲買了些扇貝/貴妃蚌燒烤，好味好鮮甜，另外燒茄子都好食，以朗玩到六點幾食了兩塊麵包俾我攬住一陣忽然就瞓咗，終於放哂啲電，放盡哂，哈哈，冇咩幾可會咁樣瞓著覺，瞓了大半小時起身，七點幾都走了，返到屋企姐姐再煮少少嘢俾以朗食，熊人部電話死了，要急急攞返個backup，所以冇出去開工。
希望遲啲再涼啲可以再燒多次，凍啲日子可以早少少去燒嘢食到黃昏入黑前就可以走。
沒有留言:
張貼留言