今天是馮以朗開學的日子。我請咗一日假諗住同佢上堂。
我成十一點先出房。(*≧ω≦)，由於是下午班返點半，姐姐十二點就俾以朗食午飯了。佢好乖自己食午飯，
食完之後乖乖換校服，佢唔知係唔係知道返學，佢換好校服已經好開心，好乖咁孭書包，好似好醒目咁，我眼中的以朗好似一日之間長大了，穿起校服好似大個咗好多，我覺得自己個仔係最靚仔，著套校服都好睇過人，哈哈。
我同佢十二點十個字就出門口，佢好乖咁自己行，唔駛我抱，點知行到出村口忽然間仆倒了，最慘村口唔係階磚，係石屎地，可憐的以朗都喊了兩聲，傷口有啲血，我就抱住佢等小巴，之後一直抱住去到臨到學校條天橋見到有其他小朋友行佢都自己行，好似好威咁，入到校舍，我問老師幫忙處理咗個傷口諗住陪佢入課室，點知原來今日開學的係冇得陪架，好彩以朗一入到校舍係好開心，要即時玩玩，處理完個傷口俾老師拖咗入班課都冇理我啦。
放學喺等待區見到5-6個都係今日入學的小朋友都係放一個鐘，老師讚佢唔喊好乖呢，有啲小朋友喊得好慘，眼都紅哂架。
放學以朗都keep住開心，崩崩跳，全程都係開心的，又要自己孭書包，看來佢好喜歡返學。
由於今日媽媽要等表哥學普通話，我就陪佢等待，去了starbucks食蛋糕，同以朗食blueberry cheesecake，飲綠茶，自己叉蛋糕食，食咗半件蛋糕，試了少少green tea latte，佢好開心，好乖，點知差不多四點鐘準備走時，佢仲想玩，咁就同佢去了馬鞍山廣場啲中秋BBQ貓狗玩玩，玩完仲唔捨得走，又要上TASTE又唔肯走，好彩搏鬥一排之後，最後等Mini bus都平靜了。
點知見到表哥要跟上婆婆家玩。最後搞到我同以朗喺屋苑根下拉鋸了好耐又喊打喊殺，係咁鬧佢，其實佢應該開始好想瞓但又要玩所以咁失控，佢好大力，喺街好難控制到佢，上到樓唔肯換衫，係咁喊，叫姐姐同佢瞓又唔肯，明知我好惡鬧佢，但都係要我同佢瞓晏覺，一路喊一路又要我抱，真係激死我。
另外十月三日星期三，
第二天返學唔係著運動服的照片，係熊人帶以朗返學，都冇喊呀，著校服look好乖好靚仔呀。
沒有留言:
張貼留言