20180722 - ヾ(◍'౪`◍)ﾉﾞ 再戰海洋公園

7月22日星期日

今日冇學返啦，以朗都有瞓到十時，今日信用卡去超市買嘢有92折，再加上哥哥本身有9折，所以差不多八二折，我哋幾個family約埋去Taste買嘢，途中見到表哥，兩老表即刻喺超市度你追我逐，好百厭同危險，怕佢哋撞到人撞到貨物，要看牛咁看。

有個M&M公仔好得意，以朗都好有興趣，成日想攞粒豆，但係攞唔到，仲有個紅色架，不過佢唔會企定定影相啦。

買完嘢就出發去海洋公園，哈哈，不足一個月又去多次，因為今日熊人生日。又係408一家三口入場。可惜去程時好塞車，兩點半先去到。第一站就坐纜車，今次以朗冇瞓啦，仲喺纜車度食我哋帶嚟的小食，



今次主力睇中華鱘同埋鯊魚館，平時聽開baby shark好興奮，睇到真的鯊魚唔捨得走。

鯊魚館除了鯊魚外，都有其他魚架，有魚睇就開憐。







平時行鯊魚館好快行哂，今日帶住以朗慢慢睇原來可以睇好耐架。鯊魚游得好近，佢好開心。


行完鯊魚館同佢睇鯊魚公仔，攬住唔肯放手，拎去俾錢仲喊，以為冇咗，夜晚攬住鯊魚公仔瞓，唔理狗狗了。食嘢時有好多蜜蜂，隔離個女人勁驚。我咁驚青都冇佢咁誇，以朗就直情冇反應。一味喪食粟米。今次點個餐有栗米洋蔥圈，白汁飯，都幾好食，好食過上次百幾蚊的焗豬扒飯。

之後同佢騎木馬，其實係海洋動物整的MERRY GO ROUND，本來想再睇魚，但遇上SUMMER PARADE，BLOCK咗好多路線，只好行SHOP。
見到老夫子叫公公。哈哈。



今日以朗開心笑笑，雖然好熱好辛苦，不過「你快樂，所以我快樂」，下年夏天，趁以朗未夠三歲，會再去多兩次。

夜晚攬住佢今日新寵兒鯊魚豬覺仔，連狗狗都唔要了。