20180714 - •●✿ Moko ✿●•

7月14日星期六

今日放低以朗去睇醫生，出門口是以朗望住我唔相信我會放低佢自己街街，出咗門口聽到佢喊好可憐。sorry。

睇完醫生去了行MOKO，好唔開心，唔知可以點，但我哋都行咗三聯書局，買咗本故事書俾以朗，係我哋講故仔俾佢聽，平日冇同以朗瞓，冇咗BEDTIME時間，有啲遺憾，好想可以每晚講故事俾佢聽，我知道佢一定好喜歡聽。
之後去了FOOD OPERA食嘢，冇咩心機食嘢，所以只點了一個海南雞飯SET兩個食，估唔到又幾好食，個飯係油飯本身有味，啲雞都唔錯，仲有小食豆腐同蛋。都係5X元，而個湯唔似平日海南雞飯個湯有啲似肉骨茶啲藥材味，但都OK，可以再吃，之後買杯STARBUCKS FREE DRINK飲。

Garfield今年40周年，有不少活動，例如圓方會有佢啲展覽，青衣城又會同聾貓Crossover，估唔到CHOCOLATE都出加菲貓衫，198一件，都幾好質地，唔算貴，我竟然穿XXS。

今日原來嫲嫲姑姐姑媽都嚟，我行街都放心啲，我哋返到去就好黐身啦。姑姐買咗啲動物俾以朗，以朗好喜歡動物，幾得意，本來我都諗過買類似俾以朗，好彩冇買到，可以慳返啲。

夜晚食完飯十點有季軍戰，英格蘭對瑞典，99冇得睇，十點開波，十一點先過去，我哋睇半場，英軍真係唔得。入到四強都偷笑了。

睇完返屋企又見到屋企樓下的曇花又開了。好似話呢幾個月都有輪流開。