20180707 - ✿｡◕‿◕｡✿又去D park

7月7日 星期六

今晚睇波，哥哥想食炒蜆，於是又打算去荃灣買海鮮，又同以朗去愉景新城，今次泊中染，去宜家食嘢先再去愉景新城玩。

由中染行過去條路有公仔。佢已經好開心。

一路行個商場都有公仔，以朗都好開心，後來都係捉佢盡快去目的地中央公園。

一去到已經自己周圍跑跑，去到又玩穿珠。

今次有玩個跳跳琴，識玩多幾樣嘢好開心，係咁跳跳放電。上次都想佢玩個琴，但佢好似睇唔到，今次有啲姐姐一起跳。好開心。



有其他小朋友一齊跳仲開心，

之後仲周圍巡，樣樣都玩吓。



最尾仲玩呢條橋上上落落，由於臨尾先發現有其他嘢玩，所以又玩到唔捨得走。



到宜家都未去到鯨魚花園玩。而且商場另一邊都有啲公仔布置，好似好靚啱以朗玩，不過佢喺中央公園都玩到癲哂，未有機會去其他地方。

夜啲十點99台直播瑞典對英格蘭🏴󠁧󠁢󠁥󠁮󠁧󠁿，由於直播就個個去哂爸爸家看電視，我哋成十點九先到呢，人多巧熱鬧。睇完都係十二點。英格蘭竟然入到，好耐冇殺入四強啦，可喜可賀。