20180712 - •●❤Dinner@深宵食堂❤●•

7月12日星期四，
今晚食生日晚餐，揀了CWB上樓的日本菜。一行五人去食食食。
深宵食堂呢個名都成日聽，好FULL ，最好BOOK 位，因為店子好細，可能得30個位，食串燒小食，好似我喺原宿食嘅嘢。



紫薯栗子餅，呢個好食， 入口粉糯，炸得剛好，紫薯香甜但又出奇地好想吃多一個。

豚肉露筍卷$38
好細件，係袖珍咁細小，不過豚肉燒得香脆，再加埋爽口既露筍更增添了口感，係幾好食。

鹽燒雞軟骨串，雞軟骨係食串燒必食，少少咸，多多脆，飲番杯一定要食佢。

墨魚大阪燒 ＄42
冇去日本超過一年，真係好掛住大阪燒，唯有食呢個懷念一下日本。有四件，足料，有木魚，燒汁好味。

生燒牛脷芯$38(串)
我唔食牛，不過同事話口感爽口，味道帶點黑椒香味，都幾好食架。



芝士蟹肉玉子燒 $78
這個是這裡的招牌，好像每檯客人都會點的，因在蛋上會同茄汁寫上“深宵“2字，代表這家店。芝士既味道同蟹肉十分夾，配合滑滑既玉子蛋，芝士味唔會太濃，我都接受到，味道真係好唔錯。

汁燒帆立貝 ＄36 帆立貝大大粒，配了燒汁，有咬口，帶子既新鮮又惹味。

汁燒白鱔 $78 白鱔串燒真係好正！燒過既白鱔更香口，魚肉鮮嫩，白鱔既外皮燒到脆脆地，入口非常香脆 😋




日式一口雞，香口一點的食物仲有呢個，一向唔太喜歡炸雞的我，呢個有驚喜，雞炸得超香脆，一定係即叫即炸的！雞肉好鮮 而且好Juicy，啖啖肉，超滿足！再加上個秘製醬汁，好好食。

奴豆腐 -豆腐口感好滑，唔會有黃豆腥味，芝麻醬味香濃，而且凍凍地，幾適合夏天冇乜胃口的時候食。

蟹肉沙律，本嚟以為應該係蟹柳絲，點知真係有蟹肉，而且意相不到地蟹肉味好鮮好突出
加埋酸酸地既沙律醋，幾開胃幾好食。

在餐牌上看到一樣叫 「貓飯」的東西，引起我的好奇心。 貓愛魚， 原來它以木魚碎、鰹魚湯和日本白飯的組合。  本身已經好喜歡吃黏黏日本飯，再加上小許咸味的木魚絲。



吉列炸蠔 $48
炸過既生蠔呈金黃色，離遠已經飄黎陣陣香氣。佢帶點蠔既鮮味，咬落卜卜脆，惹味可口 😋



芝麻雞翼十分惹味。外皮香脆而且鋪了芝麻，十分香口。中間部份十分juicy雞肉十分嫩滑。很滋味

最尾差不多走時先知HSBC惠顧$500可送小食一客，係螺肉，好飽都食埋佢。