返學尾二堂，差不多上哂啦，今日好多新同學仔，應該比以朗細，因為呢班係18-22個月，以朗都21個月，比起新同學應該大啲。
而且佢都上咗成十堂，好多嘢都知點做，老師一叫就做，我哋都只係企埋一邊望佢就算。盡量唔幫佢。
近來好似識嘢多咗，玩完啲嘢收埋哂識講冇，成日整爛嘢聽得我講爛咗啦聽得多，佢都識講「爛咗啦」，但佢會講成「爛都啦」。有個家長都問以朗幾大，回想起四月底時因爲in康傑表演好差而叫佢上堂，當時佢真係咩都唔識，仲好擔心點解啲同學仔跟到老師，以朗咁差，當時老師就安慰我話以朗比其他同學仔細啲，我好擔心上完哂堂以朗都仲係一舊飯。
宜家唔可以講話叻，但起碼都跟到老師指令。近來語言好咗少少，起碼都講吓廣東話。雖然同女仔比冇得比，但起碼都知佢會進步。都安樂好多。
上完堂例牌玩入錢車車。
你就開心啦，宜家唔玩車車即走會扭計同發脾四架，咁反正都冇嘢做，同佢玩吓都唔錯。
如果一上完堂即時去室內遊戲室其實唔太多人，唔駛點等，可以玩一轉先食下午茶，通常兩點幾就人多啦，因為個個都食飽夜電，由於以朗宜家在playroom都行動自如，唔駛扶，我都係離遠望吓以朗，由佢跟哥哥姐姐玩。因為地方安全唔怕跌。今日以朗玩玩吓拖住我，要我陪佢玩滑梯，好開心呢，因為細路仔玩起上嚟唔會記得父母，平日熊帶佢去都唔會拖熊玩，佢會拖住我即係好重視我，真係心都甜哂啦。
夜晚返屋企同佢玩roll over.
上完堂例牌玩入錢車車。
你就開心啦，宜家唔玩車車即走會扭計同發脾四架，咁反正都冇嘢做，同佢玩吓都唔錯。
如果一上完堂即時去室內遊戲室其實唔太多人，唔駛點等，可以玩一轉先食下午茶，通常兩點幾就人多啦，因為個個都食飽夜電，由於以朗宜家在playroom都行動自如，唔駛扶，我都係離遠望吓以朗，由佢跟哥哥姐姐玩。因為地方安全唔怕跌。今日以朗玩玩吓拖住我，要我陪佢玩滑梯，好開心呢，因為細路仔玩起上嚟唔會記得父母，平日熊帶佢去都唔會拖熊玩，佢會拖住我即係好重視我，真係心都甜哂啦。
夜晚返屋企同佢玩roll over.
There was ten in the bed and the little one said roll over roll over, and they all roll over and one fell out......
呢首歌我識背了。
沒有留言:
張貼留言