20180710 - ╭。☆Lunch@唐宮小聚☆。╮

7月10日星期二

昨天食完一個好飽的LUNCH之後，今日又去吃吃吃。
生日月份，公司同事聚餐，矮公主推介的唐宮小聚。平日成日都見VYVY在FB打卡有得意點心的食店，因為荃灣/尖沙咀/中環都有分店架。
「唐宮小聚」的菜式相當別緻，見朋友依的點心都吸引到我好想試試。
位於皇后大道上的L PLACE的二樓，餐廳空間很大，而裝修有別於一般的中菜館，富有現代感，淺色木地板，白色大理石枱面和米色木造座椅，營造出輕盈素雅的感覺。

一埋枱見到蒼蠅碟咁特別，忍不住要影吓相，有同事真係以為有隻嘢。

LUNCH SET 110元可點三款食物，點了唔知幾多個SET，另外必食推介是每日限定$29《白玉王鴿》乳鴿 賣完即止，我唔食乳鴿，我哋十個人一共點了五隻。

由於人多，一共十人，可以點好多個SET，咩都要試吓啦。每碟份量不多，可以每人試少少，酒埕醉雞，細細碟都有十幾件，OK

冷盤之一茄子，好入味

皮蛋豆腐，腍身的豆腐切成薄薄好多好多片，好考刀功，加上胡麻醬，香香甜甜的，非常醒胃的一味冷盤。

豬手仔 -切成一粒粒， 好入味。

招牌《黑金流沙》賣相好靚，有啲金色brush stroke 點綴，好流心，好香好黃同蛋黃味，不過比較甜啲。

粉墨登場”（即係墨魚汁+薄荷葉炒飯）

金菇菜苗， 草青味好重，上面有啲炸嘢好香口，

松露香菇外型好像大冬菇，得意，餡為香菇，黑松露，多菇幾香，喜歡食菇的人如我定很喜歡。


 鵝肝春卷，即時炸起，熱辣辣，好香好食，唔係好食到鵝肝味，但食到比較濃味。

雞絲粉皮，正常STANDARD

炸蠔餅，岀乎意料蠔仔挺大隻，炸都好鬆化，但炸到幾乾。

呢個韓式炒年糕係全日最差的一味，以為係韓式泡菜味會辣辣地，點知冇辣味之餘，似快餐店的橙色汁味。

蝦多士外脆內軟既， 炸到脆卜卜，隻蝦好彈牙，我最喜歡💕的推薦菜。
。
《紫蓉豬豬》$23 一隻，
呢款豬豬🐷其實係紫薯蓉 ，生日同事，連埋我兩人，有幸每人叫一隻，靚靚。不過味道普通，紫薯蓉味，包包好軟身，純粹得意，以朗應該會好喜歡。

其實仲有個醉蟹好出名，有機會都要試吓。