20180709 - ♣♧Lunch @insomnia♧♣

7月9日星期一

冇帶飯，臨時相約同事食晏，中環要食個晏唔容易，平時通常去小雨天，今日同事想去insomnia,呢間之前去過，蘭桂芳，夜晚係一間bar專係飲嘢，裝修幾舒服，日頭會做午市，不過係唔駛等位或訂位，去到直入，通常都係坐高高的bar枱。

 lunch 有意粉/三文治/burger/all day breakfast等，冇set , 但每個course都會送飲品。 

同事點了90元一份的premium burger，牛肉好厚好大塊，食完都飽。仲有好多薯條，都炸得幾靚，幾脆。90元一份在中環嚟講真係好抵。

而我上次去就食過意粉，今日我想點all day breakfast。 $110，問同事多唔多，會唔會好大份。佢話正常，點知拎到嚟就知中大伏，大份到呢，食完之後飽成日，重一磅，要做返好多運動先得。

有好多菇菇，兩條腸，兩隻蛋，薯餅，豆，包，煙肉同蕃茄，份量比正常多，菇菇整得好食，蛋不是全熟，腸仔都係用靚腸，我好努力食剩少少，但都飽到冇朋友。


下次再嚟食都係食沙律清新啲，食一次咁HEAVY 咁多肉係好滿足，但食完呢餐之後要做幾多運動先抵銷到？

Insomnia
中環蘭桂坊德己立街38-44號好利商業大廈LG層A舖