20180721 - ☼☀癲噹+南小館@圓方☀☼

7月21日星期六
行完加菲貓之後，其實唔係好大，以朗又唔係太有興趣，因為得啲大FIGURE，唔係佢玩的地方，所以都好快行完。
行行吓見到商場有好似貓貓火車的東東，原來係癲噹。

原來呢度係第2屆香港兒童國際電影節KIFF
日期：7月28日至8月5日
地點：ELEMENTS圓方


好多小朋友坐喺地下的大豆袋睇電影，我想俾以朗坐吓大豆袋，不過好多人爭坐，坐唔到。

有個位播啲卡通，小朋友的得意卡通，以朗呢個電視精一有電視/卡通就睇到入哂神啦，拎住個波都唔想走。

呢度有得影張即影即有相，我哋有張合照，會好好收藏的。不會忘記。

圓方星期六日泊車好抵，電子消費滿400元可以FREE4個鐘，我原本以為加菲貓有POPUP STORE可以買少少嘢再加食嘢好易夠400元。點知冇POP UP STORE，冇嘢買啦，唯有食嘢食夠佢，
見到有南小館，即是小南國。大家都想食。於是去食。

葱油清洋拌麵，即是撈麵，幾好食，麵條幾香幾滑，唔會話好油膩，個撈汁幾好食。

黃金南瓜蘆筍，用鹹蛋黃整的，好好味，但都幾漏，價錢唔平，78元。

南小館四小拼，好正的烤夫，糖醋骨又幾好食，蒜香雞都幾好，原本想拼海哲，不過賣哂，所以加多份烤夫。以朗喜歡食毛豆，但不喜歡烤夫，

蔥餅，好香口鬆化，唔算好油，正，以朗食咗好多。 (-___-)

本來想叫普通小籠包，但怕唔夠400蚊，所以叫得貴啲點了蟹粉小籠包。皮夠薄，多肉多汁，有蟹粉，唔錯。

仲有一盅沙窩雲吞雞湯。兩隻雲吞，好多雞，仲有好飲的湯。以朗係要飲湯。

結果食咗四百幾蚊，慳返泊車錢。