今日又係十點半離開農場，農場兩日一夜係有好多節目，其實下午都仲有好多嘢玩，但我哋包車十點半要走了。早啲起身8:30有農場的導賞團，都有啲掙扎好唔好咁早起身，因為我哋平日都唔早起架，但最後七點幾起了，食農場早餐，都係自助形式，好多嘢食，但質素一般咋，食吓粥同烚蛋都可以，其中豆漿都幾好。
當日好熱又幾曬，跟住導師當行山，冇有孭帶，以朗都肯行，不過成日行行吓行去第二度要捉住佢。
好多農作物，有菜有蘿蔔，有蕃薯等，會細心講解啲植物，不過因為普通話同埋名稱係唔同香港，都聽得幾辛苦，唔易明。
有個位俾我哋停低摘蘿蔔仔，同葉，好多小朋友都好開心呢，不過以朗太細個佢唔識摘，表哥摘了不少蘿蔔同葉一陣餵羊羊。
之後一直行，有上斜見到啲假牛牛，兩位小朋友都好開心。
之後見到三隻水牛，天氣熱泡喺水中好疏乎呀。
有花花。
有大石整到似龍貓。
有條木橋俾小朋友玩玩，以朗係全隊最細個的，都唔執輸，有玩玩，當然要熊人陪住啦。以朗都好努力行行架。
之後見到羊羊可以餵餵，好多小朋友都餵餵，用剛才摘的葉同蘿蔔餵佢哋，以朗都成功餵到羊羊，佢好開心呀。今日以朗行咗好多路呢，全程超過一半都係佢自己行架，好叻叻呀。
農場有得睇動物，有大地方走走，好適合一家大小親子之行呢。
最後我哋仲食了一碗凍的綠豆冰，好食。由於差不多十時了，我哋都要回房間執行李走，冇行哂導賞團就回房，回房途中刮起大風呢，風好大，忽然涼了好多，因為今日冷鋒南下，估唔到咁厲害。
沒有留言:
張貼留言